Hoxe é Sábado 28 de Novembro de 2020

Música e baile tradicional no festival folclórico da agrupación Anaquiños de Chapela

RR_Noticias

O certame, que se celebra o sábado, contará coa presenza de varios grupos galegos e dos portugueses Terra de Aroes. Dese o grupo folclórico Anaquiños convidan a todos os veciños a participar desta festa, unha homenaxe á tradición e cultura galegas. A cita é ás 19.30 horas no Multiusos do Piñeiral do Crego.

Desde hai tempo o Grupo Folclórico Anaquiños, de Chapela, organiza un festival anual no que participan os seus conxuntos de música e baile tradicional, e tamén outras agrupacións. Nesta edición achegaranse a Chapela os grupos A Solaina, de Moaña, Buxainas, da localidade coruñesa de Cedeira, e o grupo portugués Terra de Aroes, do Val de Cambra. Unha das organizadoras do certame, Estrella Iglesias, explica que o obxectivo deste festival é reunir ós veciños de todas as idades e compartir con eles a música, o baile e a tradición galega. A cita é o sábado ás 19.30 horas no Multiusoso do Piñeiral do Crego. Da asociación Anaquiños forman parte case medio cento de persoas, desde os 4 ata os 70 anos de idade, que participan activamente nos grupos de baile e música. Desde a organización salientan o beneficioso que este intercambio xeracional é para todos. Os máis pequenos coñecen a tradición e a cultura galega ó tempo que se divirten, e para os maiores é tamén un xeito “de saír e relacionarse cos veciños”, ademais de supoñer unha boa actividade física.    

Estrella Iglesias organizadora
Estrella fálanos dos grupos que participan no festival.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *