Hoxe é Luns 26 de Outubro de 2020

Cita coa gastronomía tradicional en Moscoso coa XI Festa da Chula

RR_Noticias

O domingo día 4 de setembro a parroquia de Moscoso acolle un ano máis a súa Festa da Chula, acompañada doutros produtos gastronómicos como o polbo, o churrasco ou as empanadas. Para completar o evento contarán cunha Mostra de Produtos Ecolóxicos e Artesanais, música e queimada para pechar a festa. O pregón, ás 13.30, correrá a cargo de O Xocas.

A parroquia de Moscoso acolle un ano máis a Festa da Chula, que chega á súa XI edición. Como xa é tradicional os propios veciños elaborarán as chulas, que contan con varias especialidades, como as chulas de cabaza, bacallao, con chocolate ou recheas de tofe, entre outras. Ademais o xantar está garantido con outras saborosas especialidades como churrasco, paella, tortilla, polbo, callos ou empanada, ademais doutras sobremesas caseiras. Desde a a organización da festa, destacan tamén o feito de que todo o traballo é realizado polos propios veciños da parroquia, que son os encargados tanto de elaborar as comidas como de servilas. A presidenta da Asociación de Veciños, Vicky Martínez, salienta a importante colaboración de todos, “desde os máis maiores ata os máis novos”. A degustación de productos comezará ás 11.00, e os prezos son moi asequibles: desde os 0,50 € das chulas tradicionais, ata os 6 € de pratos como o churrasco ou a paella. Ás 13.30 está prevista a lectura do pregón, que correrá a cargo dun ilustre veciño, O Xocas, artesán das gaitas e músico. Ó longo da xornada haberá actuacións de diferentes grupos musicais, e xa ás 21.00 horas elaborarase unha queimada. Ó longo de toda a xornada haberá ademais unha Mostra de Productos Ecolóxicos e Artesáns.  

Vicky Martínez presidenta da AA.VV
Desde a organización fálannos desta festa na que participan todos os veciños.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *