Hoxe é Venres 2 de Decembro de 2022
Stations
NOTHING FOUND!
Current listeners: 
Peak listeners: 

Os organizadores da homenaxe ás vítimas en San Simón esquécense dos republicanos redondeláns

RR_Noticias

Os organizadores non contaron cos colectivos redondeláns para a organización do acto celebrado onte na illa. Esquecéronse ademais de varios veciños que esperaban o barco en Cesantes. Un programa que se organizou de costas ao Colectivo Republicano de Redondela, motivo polo que os seus integrantes decidiron non asistir a unha homenaxe que congregou a unhas 300 persoas.

A xornada estivo organizada pola Asociación pola Memoria Histórica de Vigo e trasladou a unhas 300 persoas dende o peirao de Santo Adrián de Cobres en Vilaboa ata a Illa. Non houbo traslado dende o Peirao de Cesantes onde ao redor de dez veciños estiveron esperando un barco que nunca chegou.
As familias dos presos que estiveron confinados na illa entre os anos 1936 e 1943 tiveron prioridade para asistir á homenaxe que concluíu cunha ofrenda floral. A música correu a cargo dos gaiteiros de Zurrumalla quen interpretaron o republicano Himno de Riego e o Himno a Galicia. Tamén houbo poesía a cargo de Xosé Lois Santos Cabana, Claudio Rodríguez Fer e Carme Blanco.
Aínda que coa ausencia destacada do Colectivo Republicano de Redondela, si estiveron presentes no acto parentes das vítimas, artistas, escritores, vellos sindicalistas, políticos da transición e o exilio e asociacións como a Comisión pola Recuperación da Memoria Histórica da Coruña e a Marcha Mundial dás Mulleres. Houbo tamén referencias ás mulleres de Cesantes, moitas delas mortas no conflito ou nais adoptivas dos cativos dos encarcerados.
 

Facebook
Twitter
LinkedIn
Pinterest
WhatsApp

Deixa unha resposta

O teu enderezo electrónico non se publicará