Hoxe é Sábado 28 de Novembro de 2020

Os comercios de Arcade bótanse a rúa e celebran unha “feira-outlet”

RR_Noticias

A semana gastronómica e as actividades paralelas que se organizan no concello de Soutomaior ata o vindeiro 3 de xullo convértense no primeiro acto que Andrés Cal organiza como presidente dos empresarios de Soutomaior, logo de relevar a Bernardo José Abal ao fronte do colectivo.

Potenciar o turismo e a gastronomía de Arcade é o obxectivo da semana gastronómica que se ven celebrando en Arcade dende o pasado luns e ata o 3 de xullo. Unha actividade que por quinto ano consecutivo organiza a Asociación de Empresarios da localidade en colaboración co Concello e a Deputación e que permite ofertar aos veciños e visitantes unha completa mariscada para dúas persoas a un prezo de 80 euros. Un menú que inclúe doce ostras, un centolo, lagostinos, percebes, lagostas, vieiras, navallas, dúas sobremesas e unha botella de María Vinyals, albariño de Soutomaior e que se poderá degustar en oito restaurantes, unha marisquería e unha churrasquería da zona. Como novidade desta V edición haberá durante a fin de semana dúas actividades paralelas. Por unha banda os días 2 e 3 de xullo na alameda de talo Río situarase un outlet con artigos de catorce negocios a prezos e con descontos únicos. No mesmo lugar poderase visitar tamén unha exposición de artistas locais con obras dos escultores Carlos Tesouro, Manuel Collazo Torres, Moncho Novas e bernardo Seoane ademais das pinturas de Silvia Troiteiro. Na ruta do pincho participan este anos os locais A Cervecería de Rosa, Teu Café, O lar de Félix e a bocatería pizzería Elizabeth.  

Andres Cal empresarios de Arcade
O novo presidente asumiu o cargo hai un mes
Semana gastronómica
Actividades para todos os petos

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *