Hoxe é Sábado 31 de Outubro de 2020

Os socios do Choco esixen unha Asemblea Xeral antes de xullo para avaliar a xestión da directiva

RR_Noticias

Cun total de 87 sinaturas, un grupo de socios do Choco esixen ó presidente Cándido Mirou que dea contas da presente temporada. José Suárez, ex presidente e un dos promotores, denuncia que o club debe actualmente máis de 30.000 euros a xogadores e empresas. Denuncia que “a mala xestión” da directiva levou á entidade a esta situación, cando os ingresos foron semellantes ós de exercicios anteriores, e hai gastos “sen xustificar”.

A precaria situación económica e deportiva do Choco levou a un grupo de socios a recoller sinaturas para esixir ó presidente, Cándido Mirou, o adianto da celebración da Asemblea Xeral. Mirou anunciou que se celebrará o 30 de xullo, pero os socios entenden que será “demasiado tarde” para preparar a próxima temporada. Un dos promotores, o ex presidente José Suárez, solicitou que esa reunión se celebre “a finais de xuño ou na primeira semana de xullo”. Para iso conta co respaldo do 20% dos socios. Para Suárez “urxe” que a directiva “dea explicacións” da actual situación económica da entidade, que é moi complicada, e acusa a Mirou de “mentir”. As débedas poderían afogar ó club, que ten pendente o pago de 2,5 meses de nómina ós xogadores, e outros catro meses aos adestradores, o que sumaría un total de 24.000 euros. Suárez denuncia tamén outras débedas importantes coa empresa Transportes González (máis de 4.000 euros), e tamén facturas pendentes de telefonía. Para o ex presidente o maior problema do Choco é “a mala xestión” feita por Mirou. Suárez explica que para a presente temporada contaron cuns ingresos aproximados de 109.000 euros, unha cantidade “semellante” á que dispoñía o club en anteriores exercicios, e sen embargo, “os cartos non lle chegaron” para pagar os gastos. Suárez limita a responsabilidade á persoa do actual presidente, xa que “as decisión no club só as toma el”, e lamenta que Mirou non queira recibir “asesoramento” doutras persoas. De feito o tesoureiro deixou o seu posto e é o propio presidente o que exerce tamén esta responsabilidade. No caso de que a actual directiva non convoque a Asemblea Xeral no prazo solicitado polos socios, advirten que levarán o asunto “por vía xudicial”.  

Jose Suárez socio
Os socios esixen que a Asemblea se faga nun prazo de 15 días e ausan a Mirou de mentir.
Mala xestión
Suárez culpa a Cándido Mirou da actual situación económica do club cargado de débedas.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *