Hoxe é Xoves 29 de Outubro de 2020

O C.D. Choco despide unha temporada marcada polos problemas económicos e deportivos

RR_Noticias

A directiva confía en pagar ós xogadores os dous meses e medio que lle debe, e advirte que a próxima temporada estará marcada polos recortes no gasto. Jacobo Montes, novo adestrador, traballa na configuración do equipo para a liga 2011-2012 co obxectivo de manter a categoría de Preferente Autonómica.

No Club Deportivo Choco a temporada que acaba de rematar estivo marcada polas dificultades. Tanto a nivel deportivo como económico o equipo redondelán atravesesou serios problemas. O presidente da entidade, Cándido Mirou, salienta que desde o inicio da temporada sufriron “numerosas baixas”, e que a falta de liquidez lastrou ó equipo. Con todo conseguiron salvar a categoría, que era o principal obxectivo, aínda que quedaron moi lonxe do resultado de anos anteriores, cando o Choco se situou en postos de cabeza da Peferente Autonómica. Segundo Mirou na actualidade á algúns xogadores débenlle ata dous meses e medio de nómima, per confían “en poder liquidalos a todos” unha vez cobren a subvención municipal que aínda teñen pendente. Na directiva culpan á crise económica da complicada situación económica que atravesan, e que “afecta a todos”, xa que tamén teñen pendentes de cobrar varios compromisos de patrocinadores e anunciantes. Agora no club están inmersos no traballo que supón organizar a próxima temporada. Para iso contan co novo adestrador, Jacobo Montes, que na pasada liga adestrou ó Arcade. O técnico ten agora o encargo de “confeccionar o cadro de xogadores”, para o que contará cun orzamento “moito máis reducido”. Segundo explicaba Cándido Mirou o club rebaixará as nóminas dos futbolistas “ao redor do 25%” con respecto á pasada temporada. Con todo, esperan que boa parte dos xogadores permanezan na entidade cun claro obxectivo para o próximo ano, “aguantar a categoría”. Ante a demanda dos socios de que se celebre a Asemblea Xeral do club para que a directiva presente o balance de contas, Mirou anunciou que terá lugar o 30 de xullo.  

Cándido Mirou presidente
A directiva recoñece as complicacións vividas esta temporada tanto no plano deportivo como no económico.
Próxima temporada
O adestrador Jacobo Montes traballa nas fichaxes para unha temporada marcada polos recortes no gasto.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *