Hoxe é Mércores 14 de Abril de 2021

The astronaut on the roof acada o premio do xurado no VII festival Redondela en Curto

RR_Noticias

O premio do público foi para “El orden de las cosas” onde se aborda dende unha ollada diferente a violencia de xénero. Este traballo logrou a vitoria por tan só un voto de diferencia coa curta galega de animación “Vicenta”.  

Unha road movie cómica sobre dous guionistas escribindo unha película e sobre unha parella adolescente de ladróns de bancos foi a curtametraxe elixida polo xurado na sétima edición do festival Redondela en curto que se celebrou na fin de semana en Redondela. Catro días de proxeccións e de actividades alternativas, como a exposición pictórica do redondelán Angel Montero Barros, que se converteron ademais na edición cunha maior presenza de público. O concelleiro de cultura Eduardo Reguera era o encargado de anunciar os traballos gañadores e de entregar o premio ao xoven director Sergi Portabella, quen relatou ante os asistentes as aventuras que o levaron a rodar “The astronaut on the roof” en Berlín e con dous actores ingleses como protagonistas. A curta galega de animación “Vicenta” quedou ás portas da vitoria e foi un único voto de diferenza o que decidiu que o premio do público fora para “El orden de las cosas”. Unha dramática historia asinada por César e José Esteban Alenda na que se reflexiona sobre os malos tratos dende unha ollada diferente.

Premiados
O concelleiro Eduardo Reguera foi o encargado de ler o veredito do xurado
Cuchi Carreira director do festival
Un festival que medra ano tras ano

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *