Hoxe é Xoves 15 de Abril de 2021

Arranca o Redondela en curto cunha exposición de Angel Barros Montero

RR_Noticias

A mostra inaugúrase esta tarde ás 20:30 horas e contará coa actuación dos redondeláns Belöp. A continuación proxectaranse as curtametraxes “Amistad” de Alejandro Marzoa, “Coser e Cantar” de Rubén Riós, “Escúchame” de Mabel Lozano e o título de animación “Amar” de Isabel Herguera

A VII edición do festival Redondela en curto arranca esta tarde cunha actuación a cargo do grupo redondelán Belöp e a presentación a cargo da actriz galega Camila Bossa ás 21:00 horas. Previamente inaugurarase unha mostra pictórica baixo o título”O privilexio do esforzo” de Angel Barros Montero (Redondela 1935). Un autodidacta que traballou como restaurador no museo do Louvre (París) onde chegou a restaurar obras de Picasso, Sorolla, Tapies ou Matisse entre outros. Logo dun periplo vital que o levou a vivir moi lonxe da súa vila natal, actualmente reside en Reboreda. Proxectaranse esta tarde as primeiras das 16 curtas seleccionadas nesta edición. Unha selección onde, segundo destacaba o director do festival Fernando Carreira “Cuchi” tentouse dar cabida a todos os estilos e xéneros, pasando pola comedia, o drama e, como non, o cine de animación que tamén estará presente nos catros bloques que serán proxectados. Hoxe a entrada será gratuíta do mesmo xeito que o día da clausura, o resto dos pases terán un prezo de 2 euros.

Fernado Carreira "Cuchi" – Director do festival
Barros Montero un autodidacta que traballou no Louvre

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *