Hoxe é Mércores 14 de Abril de 2021

Unha biblio-caravana para conmemorar a Semana do Libro

RR_Noticias

Trátase dun expositor ambulante que permite achegar aos colexio publicacións editadas en todas as linguas da Península. Ademais de visitar os colexios, o luns estará na alameda de Chapela e na mañá de martes e mércores na de Redondela. O proxecto leva pro nome “A semana do libro, a festa das palabras” e está organizado pola Biblioteca e Normalización Lingüística.

O Servizo de Normalización Lingüística e máis as Bibliotecas públicas de Redondela organizan, por terceiro ano consecutivo “a Semana do libro, a festa das palabras” cunha exposición multilingüe que se instalará en espazos pouco convencionais (como as alamedas ou a entrada dos multiusos), e que este ano ademais, está a visitar os centros de ensino de primaria do noso concello cunha biblio-caravana. Grazas á colaboración das diferentes institucións ás que se solicitaron os libros na caravana expóñense materiais multilingües nos diferentes idiomas da Península Ibérica (galego, castelán, portugués, catalán, aranés, éuscaro, asturiano e aragonés). Ademais de material procedente dos fondos da Biblioteca Municipal e da Axencia de Lectura de Chapela. Pero ademais, este ano contouse coa colaboración de Protección Civil de Redondela (que serve de apoio loxístico desprazando a biblio-caravana duns lugares a outros), e do  Ciclo Superior de Educación Infantil do IES de Chapela, que envía o seu alumnado para realizar actividades de contacontos e promoción da lingua galega para alumnado de infantil dos centros a onde chega a exposición. Con esta mostra multilingüe xúntanse o obxectivo inicial de celebrar o día do libro e procurar unha animación efectiva á lectura, co obxectivo de mostrar a diversidade cultural e lingüística dos territorios que nos son máis próximos, e facer fincapé na necesidade do respecto e promoción de todas as linguas, por pequena que sexa a súa distribución ou o número de falantes, pois todas elas constitúen o noso patrimonio cultural e enriquecen a nosa vida.  

Elena Becerra biblioteca
Unha actividade para todos os públicos

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *