Hoxe é Luns 23 de Novembro de 2020

A auga de Redondela sae turbia pero a concesionaria dí que é potable

RR_Noticias

A auga que sae da billa nalgunhas zonas da vila presenta un “aumento da turbidez” pero dende a Concesionaria do servizo, Aqualia, insisten en que é apta para o consumo “xa que se atopa clorada” e explican que a cor que presenta débese ás intensas choivas dos últimos días

Logo de que en toda a prensa se fixese eco da turbidez que presentaba a auga nalgunhas zonas de Vigo, dende o concello de Redondela apresuráronse tamén a comunicar que nalgunhas zonas da vila detectáronse problemas semellantes. Así, falan de que se detectou nos últimos días “un aumento da turbidez” que responde ás “intensas precipitacións das últimas xornadas”. Engaden que o elevado número de auga caída provocou un aumento na canle do río Oitavén que abastece o encoro de Eiras, o cal provocou unha rápida suba do nivel da auga represada. Alén do importante incremento da canle do río, as choivas xeraron arrastres no terreo o que provocou que a auga estea máis turbia no mecionado encoro. Unha explicación que chega dende a Concellería de Medio Ambiente, dende onde engaden que a concesionaria responsable do servizo Aqualia insiste en que a auga subministrada atópase clorada e que “polo tanto o seu consumo non supón ningún risco para a saúde”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *