Hoxe é Mércores 28 de Outubro de 2020

A festa da orella repartirá 175 quilos de produto na súa XVI edición

RR_Noticias

A parroquia de Cedeira acolle este domingo a XVI edición da Festa da Orella. Logo de dezaseis anos, os organizadores víronse obrigados a pospoñer a data de celebración por motivos económicos. Os comensais poderán degustar as racións de orellas acompañadas de pan e viño a un prezo de 5 euros.

Ainda que tiñan previsto que a cita gastronómica se desenvolvese un ano máis o primeiro domingo de decembro, a redución notable na achega económica que facía a Deputación de Pontevedra fixo que perigase a súa celebración. Finalmente, grazas a que dende o Concello se ofreceron a financiar a carpa que protexerá aos comensais das inclemencias meteorolóxicas, a comisión de festas con Jose Iglesias á cabeza decidiu organizar este evento o domingo día 9. A un prezo de 5 euros os comensais que se acheguen a Cedeira poderán degustar a orella preparada de xeito tradicional acompañado de pan e viño branco e tinto da parroquia. José Iglesias insiste en que “pagarán unha vez pero repetirán as veces que dexesen” As racións comezarán a servirse ás 11:00 da mañá e unha hora despois darase paso á lectura do pregón a cargo de Felipe Bárcena Vérela, Conde de Torrecedeira. A gastronomía estará acompañada da música do grupo “Imagen”.

José Iglesias Comisión de Festas
Por 5 euros poderase repetir as veces que se desexe

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *