Hoxe é Luns 30 de Novembro de 2020

O BNG denuncia os recortes orzamentarios da Xunta en Servizos Sociais

RR_Noticias

A Concelleira de Servizos Sociais, Rosa Costas asegura que os recortes orzamentarios para o 2011 van afectar directamente aos máis desfavorecidos xa que se reducen as partidas destinadas dende a Xunta a políticas sociais. O PP asegura que “3 de cada 4 euros dos orzamentos dedicaranse a servizos sociais”

Unha moción presentada polos nacionalistas trasladou onte ao pleno de Redondela o debate en torno aos recortes orzamentarios da Xunta. Dende o BNG asegúrase que as partidas económicas que se van destinar nos orzamentos autonómicos a políticas sociais vanse ver reducidas notablemente e acusan ao PP de “mirar para o outro lado nun momento no que máis familias está a sufrir os efectos da crise”. Así se manifestaba a edil do bloque, Rosa Costas quen engadiu que cando maior é a necesidade de financiamento para atender aos máis necesitados “o PP decide conxelar as partidas a servizos sociais”. Segundo explicou a nacionalista no 2011 o goberno de Feijoo paraliza “o plan concertado, conxela as partidas do RISGA e emerxencia sociais e non se aportan cartos para atender aos novos dependentes” Dende o PP botaban man das cifras para rebater estas afirmacións. Alberto Pazos aseguraba que “3 de cada 4 euros dos orzamentos da Xunta dedícanse a servizos sociais”. Engadía que moitas das partidas sociais non so non ser reducen senón que incluso se viron incrementadas respecto das achegas feitas durante o goberno do bipartito

Rosa Costas BNG
A responsale de Servizos Sociais critica que se reduzan ou conxeles as partidas dedicadas a políticas sociais
Alberto Pazos PP
O popular asegura que as partidas sociais incrementáronse dende os tempos do biparito

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *