Hoxe é Domingo 18 de Abril de 2021

Dous goles en dez minutos deixan fóra ó Choco

RR_Noticias

David Soares foi o artífice do triunfo do Lalín, que con dous tantos antes do descanso deixou ós redondeláns sen marxe de manobra. Na segunda e cun home menos o partido púxose costa arriba para os de Julio Álvarez, que mereceron máis. Mentres na Primeira Autonómica o Arcade vaise despegando da zona perigosa grazas a unha vitoria sobre o Domaio.

Preferente Autonómica
Choco1 -2 Lalín
Dous goles do Lalín nunha escasa marxe de 10 minutos deixaron ó Choco sen premio. Os dous equipos disputaron un fermoso partido en Santa Mariña. A primeira parte comezou con dominio visitante. Puido adiantarse o Lalín cun penalti moi discutido polo Choco, pero que finalmente non se transformou xa que o lanzamento foi detido por Cortegoso. Cinco minutos máis tarde o Lalín sacou proveito do ataque cun gol de David Soares. Só dez minutos máis tarde o mesmo xogador recolleu un balón fóra da área e, grazas á pasividade da defensa redondelán, colocouse diante de Cortegoso e anotou o 0-2. No segundo tempo as cousas complicáronse para o Choco cando o árbitro expulsou con vermella directa a Santi, era o minuto 60. Con todo, os de Julio Álvarez non baixaron os brazos. Molinos conseguiu recortar distancias cun gol no minuto 65. Logo o Marín tamén quedaría cun home menos por dobre amarela de Lucas. E xa nos últimos minutos, aínda que o Choco seguiu atacando a portería visitante, o marcador xa non se movería. Deste xeito o Choco mantense na metade da táboa, 11º. Na próxima xornada, xa despois das vacacións de Nadal, xogará no campo do Nigrán, 9º clasificado.
  
Primeira Autonómica
Chapela 1-2 Vilariño
Partido moi movido en Chapela, co opcións para os dous equipos, pero os visitantes levaron os tres puntos, en parte por insistencia. Chegouse ó descanso con empate de 1-1 no marcador. Pouco despois o Vilariño tivo un disparo á madeira, finalmente o acerto dos visitantes deixou o 1-2 no marcador. Os redondeláns ceden un posto, ata o 13º. Despois do descanso de Nadal volverán a competición no campo do rival máis feble, o filial do Rápido de Bouzas, pechacancelas.
Arcade 1-0 Domaio
O Arcade deixa un chisco afastada a zona perigosa da táboa, mesmo adianta ó Chapela con esta vitoria sobre o Domaio, que non demostrou a súa superioridade. O Arcade gañou pola mínima e fíxose con tres puntos de ouro que o deixan na 12ª posición da táboa. A primeira parte do encontro foi algo aburrida, xa na segunda o Arcade saíu con máis ambición e foi capaz de facerse coa vitoria anotando o gol do triunfo a 15 minutos do final. Despois das vacacións co gallo do Nadal xogarán no campo do San Marín, un dos equipos situados nesa parte baixa da táboa, son 14º.
 
Terceira Autonómica
Sampaio 1-1 Cesantes
O líder deixou dous puntos na casa nun interesante derbi. Os goles fixéronse agardar ata a segunda metade do encontro. O empate deixa ó Cesantes un posto máis arriba, son 9º. E terán tempo agora para descansar porque cando se reanude a competición, despois das festas, eles descansan na primeira xornada do próximo ano.
Choco 4-2 Candeán
Os redondeláns golearon ó Candeán nun encontro con moita emoción. A vitoria fainos escalar dúas posicións na táboa, ata a 8ª praza. Na próxima xornada, despois das festas, xogarán no campo do Valadares, penúltimos clasificados do grupo.
Vilar 2-4 Oiense
A última derrota do Vilar déixaos na 12ª praza do grupo. Chagan así ás vacacións de Nadal na parte baixa da táboa. Despois do parón volven á competición para xogar no campo do Vilariño, 8ª clasificado.
Soutomaior descansou, segue como 10º do grupo. Logo das vacacións de Nadal terá que enfrontarse ó Pontecaldelas, un dos equipos fortes desta liga, o 4º clasificado.
Presqueiras 1-3 Arcade B
sólida vitoria do filial do Arcade, e ademais a domicilio. A vitoria fainos escalar un posto na táboa, con todo, continúan na parte baixa da clasificación, son 13º. Na próxima xornada, despois das vacacións de Nadal, recibirán ó Santomé, 5º clasificado.
Alerta 1-0 Nespereira
Os de Pazos caen un posto na táboa ó caer derrotados pola mínima no campo do Alerta. O Nespereira está agora na 8ª posición do seu grupo. E logo do parón de Nadal enfrontaranse a un equipo co que están moi igualados, o Louredo, 7º clasificado e cos mesmos puntos, partido que xogarán en Pazos.
Fútbol Sala -Autonómica Sur
Abetos-Redondela F.S. -aprazado
O partido disputado en Nigrán entre o Abetos e o F.S. Redondela suspendeuse cando se cumprían 8 minutos de xogo pola lesión do porteiro local. Un choque fortuíto entre o gardameta e un xogador do Redondela provocou que o porteiro caera ó chan, o que se causou unha brecha na cabeza e a pérdida de coñecemento. Foi asistido na pista por 2 médicos que casualmente estaban nas bancadas, logo personouse unha ambulancia do 061 para trasladar ó xogador ó hospital. O partido foi suspendido nese momento por acordo entre ambos equipos. O resultado ata ese intre era de empate 1-1. Deste xeito o Redondela mantén a 10ª praza do grupo. Agora terán tres semanas de descanso polas festas de Nadal, Aninovo e Reis, prazo de tempo no que agarda poder recuperar a algúns xogadores lesionados. O primeiro partido que disputen no próximo mes de xaneiro será en Redondela co Andrade, 15º na táboa. De cara ó próximo ano o propósito do club e continuar cunha liña ascendente, e rematar a liga na metade alta da táboa. O obxectivo que se marca o adestrador Manoliño é quedar “entre os seis ou sete primeiros”, aínda recoñece que “será complicado”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *