Hoxe é Xoves 29 de Outubro de 2020

O Choco acusa as baixas e empata co Hío

RR_Noticias

Os choqueiros non foron quen de vencer na súa visita ao campo do Cruceiro de Hío no partido inaugural da tempada en rexional preferente. O encontro resolveuse cun empate a ceros e polo tanto con reparto de puntos nun partido con falta de ritmo por parte dos dous equipos.

O club redondelán acusou a falta de varios dos seus xogadores que se atopan de baixa por lesión. De feito, dende a directiva Candido Mirou xa avanzaba que o arranque da tempada ía ser difícil para o equipo por non poder contar con seis dos futbolistas que este ano forman parte do vestiario. Un inicio de tempada marcado tamén para o Choco pola decepción de ter que renunciar ao soño do ascenso a Terceira división. As súas demandas para ocupar a praza vacante nesa categoría logo do descenso administrativo do Compostela, non foron escoitadas pola Federación, quen optou por deixar a categoría con tan so 19 equipos antes de permitir o ascenso do Choco a quen lle esixían o pago de 216.000 euros para poder incorporarse a Terceira. O club non renuncia á xustiza deportiva e de feito ten a intención de recorrer todo o proceso vivido este verán ante a xustiza. Con todo afrontan a campaña cun equipo reforzado para tratar de lograr o ascenso A pasada tempada o Choco estivo como líder durante moitas xornadas pero se lles escapou o ascenso no último encontro cando caeu ante o Arousa.

Ascenso a Terceira
Este ano non puido ser pero o equipo conta con xogadores para subir de categoría
Cándido MIrou presidente do Choco
Un inicio de tempada difícil polas numerosas baixas

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *