Hoxe é Sábado 31 de Outubro de 2020

Os dramas “The End” e “La historia de siempre” gañadores no festival Redondela en Curto

RR_Noticias

Dúas mil persoas pasaron polo Multiusos da Xunqueira nos catro días de festival. Dende a organización destácase o éxito desta VI edición así como a boa resposta dos espectadores á sección alternativa celebrada na Disco Tasca

A curtametraxe de José Luis Montesinos “la historia de siempre” recibiu o apoio do público no festival Redondela en Curto. Un premio moi disputado xa que ata a última votación todas as quinielas apuntaban a que sería unha comedia “Burbujas” a que se levaría a maior parte dos votos. Finalmente os votos de última hora outorgaron ao drama de Montesinos, cuxa acción se desenvolve nun autobús, o premio que conceden os espectadores. Pola súa banda, outro drama “The end” do director madrileño Eduardo Chapero-Jackson logrou o premio do xurado, quen recoñeceu este traballo de case trinta minutos que sitúa ao espectador ante unha inquietante situación, a loita de dúas familias por acadar un ben prezado e escaso como é a auga nun hipotético futuro no que o seu valor económico supera ao do petróleo. Unha película de curto formato rodada nos desérticos escenarios de Almería. Chapero-Jackson recibe así por segundo ano consecutivo un premio no festival redondelán, xa que o ano pasado se recoñecera o seu traballo “Alumbramiento”. Dende a dirección do Redondela en Curto, Fernando Cuchi Carreira destacouse o éxito de público desta edición, na que se superaron os 2.000 espectadores así como a boa acollida da sección alternativa celebrada no local Disco Tasca, onde se proxectaron traballos que polas súas peculiaridades non tiñan cabida na sección a concurso pero que sí merecían ser vistos.

The End premio do Xurado
O Concelleiro de cultura Eduardo Reguera daba a coñecer a decisión do xurado
La historia de siempre premio do Público
Cuchi Carreira falaba dunha reñida pugna no premio que concede o público
Éxito de público
A dirección do Festival móstrase satisfeita co incremento no número de espectadores

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *