Hoxe é Luns 30 de Novembro de 2020

O BNG rexeita a ampliación da AP-9 e alerta das afeccións que vai provocar en Chapela

RR_Noticias

Os nacionalistas entenden que o único motivo por parte do Ministerio de Fomento para retomar un proxecto que quedara desbotado é o rédito electoral e insisten en que ampliar a autoestrada non resolverá os problemas de acceso a Vigo. Fan un chamamento a institucións e particulares a manifestarse en contra desta actuación

Para o BNG de Redondela ampliar a ponte de Rande e a autoestrada AP-9 entre Cangas e Teis non está xustificado xa que esta actuación non resolverá os problemas do acceso a Vigo. O concelleiro Carlos Pazos explica que por moito que se amplíe a capacidade da autoestrada engadindo un carril adicional en cada sentido os problemas continuarán producíndose nas entradas e saídas da cidade. O responsable de Medio Ambiente de Redondela non entende que se retome agora un proxecto cando estaba practicamente desbotado e insiste en que “non hai necesidade de tocar a AP-9 cando se vai facer a autovía A-59 que vai desconxestionar a autoestrada”. Ademais de lembrar que a obra afecta a unha infraestructura asentada en Rede Natura e que, polo tanto sería necesario que se someta a estudo de impacto ambiental, advirte das repercusións que o proxecto de Fomento vai ter en Chapela, unha parroquia moi castigada que se verá afectada novamente por unha infraestrutura cuxa utilidade non está xustificada.

Carlos Pazos BNG
O Ministerio retoma un proxecto que non é necesario
Afeccións en Chapela
A parroquia redondelá vai verse novamente afectada por unha obra que non vai resolver nada

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *