Hoxe é Martes 24 de Novembro de 2020

Cautela no Concello ante as posibles afeccións da ampliación da AP-9 en Chapela

RR_Noticias

A decisión da ampliar a autoestrada causa sorpresa “por tratarse dun cambio de postura por parte de Fomento”. O alcalde móstrase preocupado polas afeccións que o proxecto, que inclúe a construcción de dous novos carrís na vía entre Vigo e O Morrazo, vai ter na parroquia de Chapela.

O alcalde de Redondela, Xaime Rei, mostrou a súa sorpresa ante a decisión de Fomento de ampliar a ponte de Rande e a autoestrada AP-9 entre Teis e o Morrazo, por entender que se trata dun “cambio de postura do ministerio”. Entende que sería máis lóxico esperar a que entrara en funcionamento a autovía A-59 entre Vigo e Pontevedra, e que unha vez en marcha o novo vial se estudase a ampliación ou non da autoestrada en base ao tráfico que continuase a soportar a ponte. Rei mostrase tamén preocupado polas afeccións que este proxecto terá na parroquia de Chapela xa que se trata dunha ampliación de un carril en cada sentido da marcha que afectará a un tramo de seis kilómetros entre Vigo e o Morrazo. O alcalde explicou que segundo os técnicos de Audasa a obra vai ter menos afeccións que o anterior proxecto cando se anunciaba a expropiación de 5 ou 6 casas e o colexio da parroquia. Unha información á cal o rexedor local non da moito crédito tendo en conta que esta ampliación é máis ambiciosa”. Por ese motivo prefire ser cauto e esperar a ver o proxecto. O inicio da ampliación está previsto para abril de 2011. O proxecto, cifrado en 173 millóns de euros, contempla a construcción de dous novos carrís, isto é, un terceiro carril en cada sentido da marcha.

Xaime Rei alcalde de Redondela
O rexedor local mostrouse sorprendido polo anuncio de ampliación
Afeccións en Chapela
o alcalde prefire ser cauto á hora de valorar as repercusión das obras na parroquia

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *