Hoxe é Sábado 31 de Outubro de 2020

O plan de transporte da área metropolitana non se porá en marcha ata o 2015

RR_Noticias

O concelleiro de tráfico de Redondela asegura que a iniciativa que permitiría reducir notablemente o prezo do billete no transporte entre Redondela e Vigo non será realidade antes de cinco anos

O tan demandado plan de transportes que debería dar servizo aos concello de toda a área metropolitana e que suporía un aforro importante para os usuarios do transporte público entre Redondela e Vigo non será unha realidade ata o 2015. Así o confirmou o concelleiro de tráfico de Redondela, Eduardo Reguera, quen asegura que a pesar da boa disposición do goberno local para sumarse ao proxecto, aínda se está en fase de  negociacións polo que a posta en marcha desta iniciativa non será a curto prazo. A medida tería unha incidencia directa nos usuarios, xa que o prezo dos billetes entre Redondela e Vigo veríase rebaixado notablemente: o prezo do billete individual reduciríase de 1’40 euros -custe actual- a 1’25, mentres que o billete se rebaixaría praticamente ao 50% no caso dos usuarios que fagan máis de 40 viaxes mensuais, que pasarían a pagar 0’72 céntimos. Este plan de transporte prevé ademais que o usuario poida empregar varios medios de trasporte co mesmo ticket mentres os transbordos se fagan nun prazo de 45 minutos e sendo válido para o autobús, barco e tren. Con todo, un Plan polo que teremos que esperar aló menos cinco anos máis segundo as previsións de Reguera.

Eduardo Reguera edil de tráfico
entende que o Plan de trnasportes da área metropolitana será moi beneficioso para os veciños
Posta en marcha no 2015
O proxecto non será unha realidade antes de cinco anos

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *