Hoxe é Luns 30 de Novembro de 2020

A hostalería arranca o novo ano coa vista no Xacobeo e na nova lei antitabaco

RR_Noticias

Confían en recuperarse dos malos resultados do 2009 grazas aos visitantes que se achegarán a Galicia co gallo do Ano Santo. Temen os custes económicos e en clientela que pode provocar a prohibición de fumar en locais de ocio e restaurantes

Logo dun ano de malos resultados cun 30% menos de negocio na provincia de Pontevedra, os hostaleiros inician o 2010 coa vista no Xacobeo e na nova lei antitabaco. Unha de cal e outra de area que vai ter as súas consecuencias nun sector castigado nos últimos meses cunha diminución da clientela no locais de copas e restaurantes e cun descenso notable no número de noites que os visitantes pasan nos hostais e hoteis da comarca. A Federación Provincial de Hostalaría confía en que o ano Xacobeo permita unha certa recuperación no sector xa que se estima que serán moitos os que se acheguen a Galicia ao longo dos vindeiros meses. Peregrinos e visitantes que se farán notar sobre todo no Camiño Francés, pero que tamén estarán presentes no Camiño Portugués. Beatriz Carballido, da Federación de Hostalería, entende que este debe ser o ano no que Galicia se dea a coñecer e logre “que ese visitante que ven atraído polo Xacobeo repita en anos vindeiros” No outro lado da balanza, os hostaleiros mostran as súas reticencias ante a chegada da nova lei antitabaco que podería entrar en vigor antes de seis meses e que suporá tal e como xa anunciou o Ministerio de Sanidade a prohibición total de fumar en espacios pechados, locais de ocio e restaurantes. Os hostaleiros critican que a medida chegue logo de que moitos propietarios tiveran que investir importantes cantidades en acondicionar os seus locais para crear espazos separados para fumadores e non fumadores

Beatriz Carballido Federación de hostalaría
O ano finaliza cunha caída do 30% en volume de negocio
Ano Xacobeo
Locais de restauración e aloxamento confían nos visitantes que atraerá o Ano Santo
Lei antitabaco
Critican a prohibición total de fumar logo de que moitos propietarios investisen en acondicionar os seus locais

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *