Hoxe é Sábado 28 de Novembro de 2020

PSOE e BNG rexeitan conmemorar a caída do muro de Berlín

RR_Noticias

Por diferentes motivos pero con igual resultado, socialistas e nacionalistas rexeitaron unha solicitude presentada polo PP na que instaban ao goberno local a trasladar as pezas do muro de Berlín, actualmente nunha das cepas do viaduto, e a festexar cada 9 de novembro a caída do muro.

Unha petición que o PP facía no derradeiro pleno municipal do ano a través da súa concelleira laura Alonso quen demandaba que ditas pezas se instalaran coa protección necesaria na praia de Arealonga en Chapela e no centro urbano da vila, preferiblemente nas inmediacións dos colexios. Unha petición que ía máis alá e que demandaba do goberno que se festexase cada 9 de novembro a caída do muro cun acto institucional. O BNG a través do seu voceiro Carlos Pazos, rexeitou de cheo a solicitude argumentando que “dadas as consecuencias que a caída do muro tivo no conxunto de Europa, non hai nada positivo que conmemorar nesa data”. Dende o PSOE non se entrou nesa cuestión e o edil de cultura, Eduardo Reguera limitouse a dicir que xa está previsto o traslado das pezas ao Paseo da Xunqueira onde se instalarán cubertas de paneis de metacrilato para protexelas de posibles actos vandálicos e das inclemencias atmosféricas.

Carlos Pazos BNG
Os nacionalistas entenden que non hai nada que festexar en relación coa Caída do Muro
Eduardo Reguera PSOE
o edil asegurou que xa está a traballar no tralado das pezas ao Paseo da Xunqueira
Laura Alonso PP
A popular reclamaba unha maior atención do concello ao feito histórico acontecido hai 20 anos

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *