Cheo absoluto na bomboneira para asistir ao primeiro derbi da tempada que rematou co igualado marcador de empate a 33 tantos
Os afeccionados non quixeron perderse o encontro que enfrontaba a Peguform Sar e ao Canario Cathering, un partido emocionante xa que ambos os dous equipos poderían terse levado os puntos en xogo, aínda que foi o Chapela, no cómputo xeral, o equipo que levou a iniciativa no marcador. Con todo en ningún momento chegou a sacar unha vantaxe maior aos catro tantos e nun esforzo final os de Carlos Rei acadaron o empate.
Resultado final no marcador: 33 tantos para cada un dos equipos, un resultado que permite ao Canario continuar liderando a clasificación con 19 puntos en Primeira nacional mentres que a Sar se sitúa no oitavo posto da clasificación.
