Hoxe é Mércores 17 de Agosto de 2022
Stations
NOTHING FOUND!
Current listeners: 
Peak listeners: 

O fútbol local gaña todos os encontros da xornada

RR_Noticias

Peor sorte correron en balonmán o Cátering Canario e a Peguform Sar que perderon fronte o OAR Coruña e o Mecalias Novás.

FÚTBOL
Rexional PreferenteCaselas-Choco (0-2): O Choco suma tres puntos ao seu marcador fronte o Caselas. Malia ser fora da casa e ao gran número de seareiros que ateigaban o Municipal das Gándaras os locais non se deixaron amedrentar e marcaron o ritmo de xogo. Despois dunha primeira parte onde as oportunidades de gol foron escasas para ambos equipos a catro minutos do primeiro tempo, o choqueiro Aitor Gómez anotaba o primeiro tanto do encontro. Nada máis pisar o terreo de xogo, despois do descanso, sería o redondelán Kennedy o que consolidaría a vitoria do Choco por dous cero. Malia os cambios executados no once inicial do Caselas nos últimos 45 minutos, os locais non conseguirían igualar o marcador. Unha vitoria que deixa ao Choco na cuarta posición con 10 puntos. A vindeira semana enfróntase a un dos seus rivais directos o Porriño Industrial, situado na sexta posición da táboa e con tan só un punto menos que os locais.
Terceira Autonómica
Choco- Moledo (2-0): Tamén conseguiu imporse o Choco fronte ao Moledo en Santa Mariña mantendo o liderado da categoría. Os locais abrían o marcador no primeiro tempo para nos últimos 45 minutos do encontro consolidar a súa vitoria con outro tanto que deixaría o marcador a 2-0. Un resultado que mantén ao Choco na primeira posición da categoría con 12 puntos. O vindeiro encontro será contra o Casablanca o sexto da categoría con cinco puntos menos que os locais. 
Arcade B-Vilaboa (3-2): O Arcade B, tamén conseguía a vitoria fronte ao Vilaboa. Xornada de goles en Arcade. Os locais conseguían remontar un marcador en contra de un a dous para rematar gañando por 3-2 ao Vilaboa, o que os consolida na parte alta da táboa, no sexto posto. O próximo partido será contra o Sampaio, dous postos por baixo dos de Arcade e igualados a puntos.
Cesantes-Campelo (3-0): Vitoria tamén para o Cesantes que se impuña por 3-0 ao Campelo. Pero non se poden confiar xa que a próxima xornada xogarán na casa do líder da categoría o Gondar, que conta con tres puntos máis que os locais que se atopan na quinta posición da táboa.
Santomé-Soutomaior (1-2): Tres puntos sumaron os xogadores do Soutomaior este fin de semana fronte o Santomé, o último da categoría. Unha oportunidade para consolidarse na parte alta da táboa que o Soutomaior non desaproveitou. Malia que o Santomé non deixou de impor resistencia durante os noventa minutos non conseguirían remontar o partido que vencía o Soutomaior por un tanto a dous. A vindeira semana teñen xornada de descanso.
Primeira Autonómica
Arcade-Valadares (4-3): Non o fixeron peor en Primeira Autonómica o Arcade que se impuxo por 4-3 ao Valadares. Malia que durante o primeiro tempo parecía que o Arcade xa non podía facer nada despois de que os locais lle anotaran tres tantos os redondeláns chegaron do descanso con moita forza e conseguiron remontar o partido. Táboas, Adrián e Borjan serían os encargados de anotar os catro tantos do Arcade, que deixan aos locais na décimo cuarta posición con tres puntos. A vindeira xornada terano complicado xa se medirán co sexto da categoría o Salvaterra.
Segunda Autonómica
 C.Vitoria- Chapela (1-1): O Chapela empataba esta xornada fronte ao Vitoria. Os de chapela non conseguiron imporse na casa do Vitoria e o marcador quedaba a uns, o que deixa aos locais na sexta posición con sete puntos. A vindeira xornada xogarán contra o Nieto, o seu rival directo, a tan só un posto dos redondeláns na clasificación e igualados a puntos.
BALONMÁN
Mala xornada para o balonmán local. O Cátering perdía fronte ao Oar Coruña e a Sar non foi quen de superar ao Mecalía Novas
Catering- OAR Coruña (28-31): Os coruñeses impuxéronse ao Cátering desde o comezo do encontro sen deixar un minuto de respiro aos locais, que non tiveron a súa mellor xornada. Malia que non deixaron de pelexar durante todo o epartido para conseguir a vitoria finalmente o Oar adiantaríase no marcador con tres tantos de deferenza. 28-31 foi o resultado final do encontro. Deste xeito o canario queda na sexta posición con dous puntos. A próximo encontro será na casa do Covadonga, polo que non debería ter, a priori, moitos problemas, xa que é o último da categoría.
Mecalias Novas- Peguform Sar (37-28): Á Sar non lles foi moito mellor e non foi quen de superar en ningún minuto do encontro o marcador do Mecalia Novas. Malia todo durante o primeiro tempo os redondeláns opuxeron unha dura resistencia aos locais que tiveron dificultades para manterse por riba. Pero no segundo tempo os xogadores do Novas entraron con moita forza o que lles permitiu imporse aos locais por case dez puntos de diferenza. O partido finalizaría co marcador a 37 28 a favor do Novas. Un resultado que deixa á Peguform no décimo primeiro posto da categoría con un punto. A vindeira semana xogará cun dos seus rivais directos o Porriño, situado un posto por baixo dos locais e con tan so un punto na súa clasificación.
 
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará