Hoxe é Xoves 28 de Xaneiro de 2021

Redondela beneficiarase do 1.200.000 euros que investirá a Xunta na mellora do Camiño Portugués

RR_Noticias

A roza e limpeza do camiño ao seu paso pola nosa vila, o recheo de material de drenaxe, a  formación e pasais de pedra, o lousado de pedra granítica, así como a apertura e limpeza de cunetas e formación de pasos de auga serán algunhas das actuacións que desenvolverá entre este ano e o 2010 a Consellería de Cultura e Turismo co gallo do Xacobeo 2010.
 
 

Onte o Conselleiro de Cultura, Ricardo Varela e a Secretaria Xeral para o Turismo, Carmen Pardo, reuníronse en Santiago cos alcaldes polos que discorre o Camiño Portugués, entre eles Xaime Rei, para exporlle as actuacións do Plan corrector dos Camiños de Santiago, que foi aprobado o pasado 22 de xullo. No plan, elaborado en colaboración cos concellos que se inclúen nas distintas rutas, a Asociación de Amigos do Camiño, entre outros, expóñense os problemas máis urxentes do Camiño e unha serie de actuacións específicas como a recuperación do medio físico, sinalización ou rehabilitación de albergues. As melloras realizaranse nos Camiños de Fisterra-Muxía, no Francés e Portugués, pero a Consellería de Cultura comezará as melloras por este último concretamente polas tramos que discorren polo concello de Redondela, Tui, Pontevedra e Barro, xa que os considera prioritarios. No camiño que pasa por estes concellos procederá a roza e limpeza, ao recheo de material de drenaxe e aporte de zahorra, formación e pasais de pedra, lousado de pedra granítica, apertura e limpeza de cunetas e formación de pasos de auga. O plan corrector tamén contempla actuacións nos albergues que terán como obxectivo mellorar e conservar o equipamento das instalacións e a conservación das mesmas. Ademais habilitarase, na Ruta Portuguesa un tramo accesible para persoas con mobilidade reducida que estará en funcionamento no 2010. O orzamento previsto para estas obras é de 1.200.000 euros que se verán incrementados coas actuacións que se executen no Camiño Portugués pola Costa.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *