Hoxe é Xoves 28 de Xaneiro de 2021

A modificación do crétido solicitado polo concello e a aprobación do regulamento do servizo de préstamos de bicicletas, puntos centrais do pleno desta tarde

RR_Noticias

Os populares solicitaron a comparecencia do Concelleiro de Tráfico, Eduardo Reguera, para esixirlle a posta en marcha de medidas que solucionen os problemas de aparcadoiro e tráfico que están a provocar as obras de humanización no centro de Redondela. 

 
A partir das 20.30 horas a corporación municipal reunirase para celebrar o pleno ordinario do mes de setembro. Unha sesión que terá como principais puntos as modificacións realizadas no crédito solicitado polo Concello, a adopción dun acordo sobre as obras de mellora do saneamento no barrio de a Nogueira así como as alegacións ao expediente de abastecemento de auga en Cabanas, Cotarel e a Formiga. Ademais tamén se abordará a aprobación inicial do regulamento de uso e funcionamento do servizo de préstamo de bicicletas. 
Pero espérase que a situación do tráfico no centro da vila se converta en punto central do pleno despois de que o Partido Popular anunciara que esixiría a comparecencia de Eduardo Reguera para que dea explicacións, polo caos circulatorio, que segundo os populares, está a sufrir Redondela. O popular Alberto Pazos criticaba ao responsable de tráfico por non tomar medidas e solucionar unha situación que está a causar graves prexuízos á hostalería e comercio local. Pazos considera que xa pasou o tempo de improvisar e de medidas esperpénticas. Porén esta tarde pediranlle ao responsable de tráfico, solucións concretas aos problemas de circulación, sinalización e aparcadoiro e senón a súa dimisión
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *