Hoxe é Sábado 31 de Outubro de 2020

Un veciño de Chapela premiado cun cadro de Xabier Lemos Godoy valorado en 1800 euros

RR_Noticias

Joaquín Lago Cruz foi o afortunado que se fixo co premio Afurancharte’09, unha iniciativa nacida dous anos atras da man da galería Campo das Redes e que persegue achegar a arte aos furanchos

Especialmente rendible foi a velada que Joaquín Lago Cruz pasou nun furancho de Redondela. Ademais de gozar coa degustación de produtos típicos da zona e do viño da casa, foi agasallado coa rifa que resultou gañadora no concurso furancharte’09. O premio, un cadro de Xabier Lemos Godoy valorado en 1800 euros. Ademais do propio galardoado, que se mostraba agradecido na entrega do premio o pasado venres, os furancheiros valoran moi positivamente a iniciativa, que se celebrou por segundo ano consecutivo e que persegue converter as adegas tradicionais en improvisadas salas de arte. Un xeito de achegar a arte ao fúranchos que conta co apoio do público e dos propios propietarios dos fúranchos.Unha iniciativa que arrancaba hai dous anos da man da galería Campo das redes en colaboración coa concellería de turismo. Este ano ademais de pintura, a oferta ampliouse a escultura e fotografía e puidemos contemplar a obra de nomes coma Raúl Velloso, Poldras, Sabela Arias, Marcos Escudero, Félix Cal… De feito, algunhas das obras expostas aínda se poden ver estes días no Multiusos da Xunqueira. Trátase de esculturas de gran tamaño traballadas en madeira, ferro e pedra obra do autor Angel Manuel Rodríguez Romero, Piquico.

Fermín Alonso asociación de furancheiros
A iniciativa despertou un interés maior entre clientes e furancheiros
Eduardo Reguera
O edil de turismo entende que deste xeito se promociona unha actividade tradicional do concello

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *