Hoxe é Venres 23 de Outubro de 2020

A asociación de naseiros de Arcade denuncia o irregular funcionamento das depuradoras da ría

RR_Noticias

Vertidos como o acontecido o pasado sábado, procedente da depuradora de Ponte Caldelas e que orixinou a morte de centos de peixes e anguías “son periódicos e continuados” segundo puxo de manifesto o presidente do colectivo, Antonio Álvarez.

Os naseiros critican a falta de control por parte das autoridades así como a ocultación destes feitos por parte das empresas. Lembran que sucesos como o da fin de semana repítense durante todo o ano, pero que en moitas ocasións pasan desapercibidos para a cidadanía porque se producen no inverno. A asociación de feito ven denunciando a situación dende hai anos sen que administración poña ningún tipo de medidas para evitar este problema. Teñen solicitado ademais unha reunión cos responsables de medio ambiente e de pesca da Xunta para abordar este asunto. Álvarez alerta de que a situación empeorará na zona de Arcade, xa que está previsto que se engadan á depuradora do municipio vivendas de Ponte Sampaio o que definitivamente superará a súa capacidade

Antonio Alvarez asociación de naseiros de Arcade
Denuncian os vertidos continuados das depuradoras
Depuradora de Arcade
Engadir vivendas de Ponte Sampaio superará a súa capacidade

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *