Hoxe é Venres 22 de Outubro de 2021
History
Stations
NOTHING FOUND!

Os traballadores de Urbaser maniféstanse este venres en Redondela en apoio ao seu representante suspendido de traballo e soldo.

RR_Noticias

A manifestación comezará ás 13.00 horas na Rúa Pai Crespo, onde os asistentes esperarán polos traballadores da quenda de mañá, para despois percorrer as rúas do centro da vila ata a Praza da Farola.

 
 
Os empregados da empresa encargada da recollida do lixo do noso Concello acordaron nunha xuntanza celebrada o martes pola tarde manifestarse en apoio ao seu delegado, Victor Manuel Fuentes Viaño, despois de que fora suspendido de emprego e soldo durante 30 días por paralizar un camión de recollida de lixo durante máis de media hora o pasado mes de abril. En solidariedade con Victor Manuel, os seus compañeiros concentraranse diante da empresa, situada na rúa Juan Manuel Pereira o venres 3 de xullo a partir das 13.00 horas. Antes deste acto, os manifestantes esperarán polos seus compañeiros da quenda de mañá na Rúa Pai Crespo, nas inmediacións do Bar Niza, desde onde percorrerán o centro de Redondela ata rematar na Praza da Farola ás 13.15. A directiva da empresa sancionaba ao seu delegado de persoal alegando que o pasado 19 de abril Víctor Manuel Fuentes Viaño tería paralizado un dos camións de recollida de lixo durante 40 minutos na rúa Xeneral Rubín, o que cualifican de “falta moi grave, fraude, deslealdade e abuso de confianza no traballo”. A versión do sancionado é totalmente contraria e afirma que foi o camión o que o atropelou a el cando circulaba en bicicleta polo casco urbano de Redondela.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *