O sinistro tivo lugar ao redor das 00:30 horas, cando, segundo informou un particular ao servizo de emerxencias, dous vehículos chocaron durante unha manobra de adiantamento no punto quilométrico 136 da N-550 á altura da parroquia do #Viso no barrio de Soutoxuste. Un dos turismo colidiu contra outro cando circulaban pola zona do dobre sentido en dirección Arcade.
A consecuencia do impacto, un dos coches deu varias voltas de campá, mentres que o outro envorcou, quedando o seu condutor atrapado no interior sen posibilidade de abrir as portas.
O 112 Galicia activou de inmediato un amplo operativo no que participaron os servizos sanitarios do 061, efectivos do GES de Mos, a Garda Civil de Tráfico, a Policía Local, voluntarios de Protección Civil e persoal de mantemento da vía.Un dos vehículos colidiu contra outro cando circulaban pola zona do dobre sentido en dirección Arcade.
Á súa chegada, os membros do GES lograron liberar á persoa atrapada, polo que finalmente non foi necesaria a intervención dos bombeiros. Os equipos sanitarios atenderon a dous feridos no lugar do accidente, un dos cales tivo que ser evacuado ao Hospital Álvaro Cunqueiro con feridas de consideración.
As autoridades investigan agora as circunstancias exactas do sinistro.
