Os animais foron arroxados ao lixo entre as 7:00 e as 9:40 da mañá do sábado e agora recupéranse baixo o coidado municipal.
Dous gatos de apenas sete días de vida foron rescatados tras ser atopados nun colector de lixo na zona de Vilavella, no inicio da rúa do Muro detrás do convento. Segundo a información dispoñible, os animais serían arroxados ao colector nalgún momento entre as 7:00 e as 9:40 da mañá do pasado sábado.
Tras o achado, os pequenos foron retirados do lugar e postos a salvo. Actualmente atópanse baixo o coidado do servizo da Concellaría de Infraestruturas e Sustentabilidade, onde reciben atención e vixilancia debido á súa curta idade e vulnerabilidade.
Desde o ámbito municipal lembran que abandonar ou maltratar animais está tipificado como delito na lexislación vixente. Este tipo de condutas leva aparelladas sancións e responsabilidades penais.
Polo momento, os dous gatos continúan recuperándose mentres reciben os coidados necesarios.
