Na súa XIII edición do Torneo Cabeiriño Solidario 2025, organizado polo Arealonga FS Chapela, logrouse unha recadación de arredor de 800 kg de alimentos non perecedoiros. Estes donativos, froito da xenerosidade das familias do club e dos equipos participantes, foron entregados a Cáritas que se encargará da súa distribución entre as persoas máis necesitadas.
Este evento, que se celebrou a finais de decembro no Pavillón Municipal de Chapela, non só ofreceu emocionantes partidos nas categorías infantís, alevíns e femininas, senón que tamén reforzou o espírito colectivo que define ao torneo dende os seus inicios.
O Torneo Cabeiriño Solidario, que leva anos converténdose nunha tradición de Nadal en Redondela, segue crecendo en impacto. En edicións anteriores xa se superaran os 700 kg de doazóns, e este ano a cifra ascende aínda máis, reflectindo o compromiso crecente da comunidade.
Dende o Arealonga FS Chapela, envían un agradecemento especial a todas as familias, clubs e voluntarios que fixeron posible esta edición.
