Soutomaior abre as portas ao retorno. A Oficina Móbil de atención ás persoas emigrantes retornadas da Xunta de Galicia ofrece axuda integral aos emigrantes este xoves, 31 de xullo, no Peirao de Arcade en horario de 09:00 horas a 14:00 horas. Este é un servizo clave para facilitar a reintegración de quen regresa a Galicia tras vivir no estranxeiro.
A Oficina Móbil ofrecerá asesoramento sobre programas de apoio ao retorno, incluíndo axudas económicas e recursos para a adaptación social e laboral. Tamén proporcionará asistencia en trámites administrativos, como a obtención do certificado de emigrante retornado, rexistro en servizos sociais ou xestión de documentos oficiais. No ámbito laboral, haberá orientación para a busca de emprego, información sobre o mercado laboral galego e apoio na validación de títulos académicos obtidos no exterior. Ademais, as persoas retornadas poderán informarse sobre opcións de vivenda, como aluguer ou compra, e sobre o sistema educativo, para facilitar a integración de familias con nenos en idade escolar.
Este servizo móbil busca achegar solucións accesibles, resolver dúbidas e axilizar trámites para garantir unha incorporación fluída á comunidade galega. Para máis información está disponible o teléfono 900 102 308 e no enderezo electrónico www.emigracion.xunta.gal .
