A programación polo San Martiño en Vilar de Infesta vivirá este sábado 14 de novembro unha xornada intensa que arrancará ás 18.00 horas cunha proposta de humor a cargo do cómico David Amor, que presentará o seu espectáculo de monólogos Saca a lingua a pasear.
A música tomará o relevo a partir das 19.15 horas coas actuacións dos grupos Follas Verdes e Aluarado, ademais do grupo de baile Falcatruada.
Tampouco faltará o tradicional magosto. Desde as 19.30 horas haberá castañas e viño de balde para os asistentes, así como choripán a prezos populares. A noite pecharase coa actuación do Trío 3.com, prevista para as 22.30 horas, que poñerá o broche musical á xornada festiva.
