Foto de arquivo de Patry Rivas
A fin de semana trouxo acción intensa para os nosos equipos locais de balonmán feminino. SAR Rodavigo sufriu unha derrota axustada, mentres que en Segunda Autonómica as nosas mozas seguen a senda da vitoria.
División de Honra Prata Feminino: SAR Rodavigo cae en Madrid ante o Balonmano Sanse (33-30)
A SAR Rodavigo desprazouse este fin de semana a Madrid para enfrontarse ao Balonmano Sanse nun partido intenso e moi disputado de principio a fin, como recolle a crónica oficial do club nas súas redes sociais.
Comezaron algo imprecisas nos primeiros compases, o que permitiu ás locais abrir unha renda de catro tantos (8-4) nos primeiros dez minutos”. Con todo, segundo a directiva, o equipo reaccionou axustando a defensa e conseguiu igualar o marcador (8-8, min. 14). A partir de aí, o intercambio de goles foi constante ata o descanso, ao que se chegou cunha lixeira vantaxe para as madrileñas (18-16).
Tras o paso polos vestiarios, a dinámica mantívose: a SAR Rodavigo continuou firme e cerca no marcador, aínda que sen lograr pórse por diante (22-21, min. 37). No tramo final, o Sanse apertou e conseguiu a súa máxima diferenza do encontro (31-25, min. 52). A pesar do esforzo final por reducir distancias, o marcador rematou reflectindo un 33-30 a favor das locais.
A próxima cita será na Bomboneria, onde recibirán ao Balonmano Fuentes Carrionas.
Segunda Autonómica: SAR Impernoroeste vence en Tui (23-33)
Nesta segunda xornada da tempada, o SAR Impernoroeste visitou a pista do Balonmano Tui e volveu sumar unha nova vitoria para continuar con paso firme no arranque ligueiro.
Tal e como detalla a crónica do club nas redes: A primeira parte estivo marcada pola igualdade no marcador durante boa parte do tempo (10-11, min. 22), pero no tramo final, apertaron en defensa e mostraron maior acerto en ataque para chegar ao descanso cunha vantaxe cómoda(11-16).Na segunda metade, a SAR Impernoroeste mantivo o control do xogo, freando os intentos de remontada das locais e ampliando progresivamente a diferenza ata pechar o encontro cun contundente 23-33.
De momento, manteñen o pleno de vitorias e suman 4 puntos. A próxima semana descansan e o equipo volverá á competición o fin de semana do 23 de novembro para recibir na Bomboneira ao Atlético Bueu.
Segunda Autonómica: Cies Obra Civil Balonman Chapela recolle outra vitoria en Vigo
Tamén en Segunda Autonómica, vitoria para o Cies Obra Civil Balonman Chapela na súa visita ao CDEC Lavadores Vigo B. As rapazas de Chapela impuxéronse nun partido disputado por 27-30, mantendo así o seu bo comezo de tempada.
Esta é a segunda xornada e, de momento, manteñen o pleno de vitorias con 4 puntos no casillero. A próxima xornada, recibirán ao CP Lucense no Pavillón Municipal Manuel González Soto.
Segunda Autonómica: As Choqueiras Pastoriza descansan e prepara o duelo ante o BM Arousa
Pola súa banda, As Choqueiras Pastoriza descansaron esta fin de semana e preparan o seu regreso á competición o domingo 16 de novembro na casa, contra o BM Arousa. Unha oportunidade de sumar os primeiros puntos da tempada.
Unha xornada chea de emoción que deixa aos nosos equipos locais con moita motivación para as vindeiras citas.
