Na terceira división do Fútbol Sala o Pazos continúa sumando os partidos por vitorias, mentres que o Maramar pelexa por afastarse dos postos baixos da clasificación. Na preferente o Campito pola mínima en As neves.
Pazos FS 9-2 Outeiro de Rei
O equipo de Pazos gañou con solvencia ao Outeiro de Rei. 9-2 resultado dun partido con moitos goles a cargo de Costas(2) , Simón(2), Mariete, Luis, Aarón, Martín e Joni .
Para a semana viaxe curta a Vigo, onde enfrontarán nun novo derby co CD Beade FS. A priori encontro doado para o Pazos, segundo do grupo, que se verá as caras co penúltimo da clasificación.
Xove FS 9-1 Redondela Maramar
O Redondela Maramar nada puido facer ante o Xove, equipo que lidera a clasificación e que amosou a súa forza ante os redondeláns que caeron por 9-1. O Maramar, moi necesitado de puntos para afastarse da parte baixa da táboa, recibe na vindeira semana ao Vigo 2015
As Neves 5-4 Campito Chapela
En preferente o Campito caía pola mínima na súa visita ao campo das Neves.Na vindeira semana xogan na casa e reciben ao Baía Baitra, segundos da clasificación.
