Hoxe é Domingo 29 de Maio de 2022
Stations
NOTHING FOUND!
Current listeners: 
Peak listeners: 

Soutomaior instala un punto lila contra a violencia de xénero no peirao de Arcade

punto lila

Trátase dun punto de información e atención especializada para a prevención do acoso e a violencia sexual durante a próxima celebración da XXXIV Festa dá Ostra de Arcade. Nel, dous profesionais informarán e sensibilizarán os visitantes fronte ás agresións contra as mulleres.

Os horarios de apertura tentan adaptarse ao lecer e a presenza de persoas na contorna con motivo da cita culinaria. Así, o venres 1 de abril o punto abrirá as súas portas de 19 a 23 horas, o sábado día 2 de 11:30 a 14:00 e de 16 a 23 horas e o domingo 3, día grande da celebración, abrirá ininterrompidamente de 12 a 21 horas.

O novo punto lila tamén contará cun espazo reservado para mulleres lactantes e os seus bebés. Nel, poderán atender ás necesidades dos seus pequenos con total privacidade e nun espazo perfectamente habilitado.

O alcalde, Agustín Reguera, explicou que o equipo de goberno quere así mostrar o seu apoio e loita en defensa das vítimas da violencia machista. Ademais, con esta iniciativa preténdese a prevención do acoso e violencia sexual durante as celebracións e momentos nas áreas de lecer, porque dixo “as grandes celebracións sempre son máis proclives a esta clase de incidentes porque os agresores aproveitan para esconderse entre a multitude. Este novo punto servirá para activar en escasos minutos os protocolos de acoso ou agresión, o que axudará a ter unha Festa dá Ostra máis segura para todas as mulleres”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará