Hoxe é Mércores 25 de Maio de 2022
Stations
NOTHING FOUND!
Current listeners: 
Peak listeners: 

Tradición e innovación pesqueira desde Redondela para o mundo

Eurored3

O Grupo Eurored conta con máis de 45 anos de experiencia no deseño e elaboración de artes de pesca e produtos para a acuicultura. Desde Redondela apostan pola investigación e innovación e son líderes europeos con produtos sustentables e seguros. Sara Alcázar, responsable de comunicación da empresa, explica que o obxectivo é facer produtos respectuosos co medio, biodegradables e “intelixentes”, que melloren a eficacia e eficiencia da pesca, evitando os descartes.

Sara Alcázar, responsable de comunicación de Eurored

A conselleira do Mar, Rosa Quintana, visitou esta semana as novas instalacións do grupo en Redondela e puxo a esta firma como exemplo “de tradición e innovación” cos servizos que ofrece ás frotas de arrastre, cerco, baixura e palangre, así como ao sector da acuicultura.

A conselleira do Mar, Rosa Quintana, sitúa a Eurored como un referente de “tradición e innovación”

Tamén forma parte da iniciativa Saretu, impulsada polo Goberno vasco e coordinada polo centro tecnolóxico AZTI. No marco deste último proxecto xurdiu un sistema de recollida, acondicionamento e reciclaxe de redes de pesca descartadas co fin de elaborar produtos como viseiras ou mochilas.

A empresa está comprometida coa sustentabilidade e participa nun proxecto de reciclaxe de redes

As instalacións de Grupo Eurored en Redondela, con 60 empregados, constan dun centro de produción e almacén de 14.500 m², oficinas, un centro de formación e unha sala técnica. Entre os proxectos nos que participan está a plataforma atlántica de reparación e mantemento de buques, Vigo Ship Repair, constituída por máis de 20 socios da ría de Vigo.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará