Hoxe é Martes 17 de Maio de 2022
Stations
NOTHING FOUND!
Current listeners: 
Peak listeners: 

A SAR leva o derbi nun final de infarto

SARderbi

Un gol de penalti co tempo xa esgotado deulle o triunfo á SAR nun encontro moi intenso e igualado.

Primeira Nacional

Rodosa Chapela 27-28 SAR Plastic Omnium

O derbi redondelán non defraudou ao público congregado no Pavillón Manuel González Soto. O partido estivo marcado pola igualdade e a intensidade, e os dous equipos pelexaron pola vitoria de principio a fin. A SAR estivo por diante no marcador ao comezo do encontro, pero con vantaxes moi lixeiras (6-9). O Balonmán Chapela non lles permitiu escapar no marcador, e remontaron para chegar ao descanso con empate 14-14. Na segunda parte os de Moncho Pazos ampliaron a renda a 4 goles (16-20, min 40) pero a falta de dez minutos para o final o Chapela volvía a igualar o encontro (22-22). Os anfitrións puxéronse por diante no minuto 55 (25-23) e os últimos minutos foron de infarto. Chegouse ao minuto 59 cun empate a 27-27 no marcador. Na última acción de ataque da SAR os colexiados pitaron un penalti a favor dos redondeláns e Iago Vidal anotou o gol da vitoria para a SAR co 27-28 final. O resultado permite aos de Moncho Pazos seguir na liña da permanencia, mentres complica a situación ao Chapela, que segue como pechacancelas cun único punto no casilleiro.

Na próxima xornada á SAR toca un difícil desprazamento ao Gatañal o domingo, onde se enfrontarán ao Balonmán Luceros. O Chapela xoga o sábado nas Travesas ante Forbe Reconquista.

División Honra Prata Feminino

Xixón 28-24 SAR Rodavigo

As de Verónica Posada regresaron de baleiro de terras asturianas. A SAR Rodavigo perdeu na pista do Balonmán Xixón nun encontro no que o equipo non chegou a atoparse cómodo en ningún momento. Sempre por detrás no marcador, as de Redondela non puideron recortar a renda inicial de tres goles que as locais impuxeran nos primeiros minutos e chegaron ao descanso 14-11. Na continuación, a dinámica seguía sendo a mesma co Xixón cada vez máis forte ata o resultado final de 28-24. Na seguinte xornada recibirán na Bomboneira ao Hand Vall Valladolid.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará