Hoxe é Mércores 19 de Xaneiro de 2022
Stations
NOTHING FOUND!
Current listeners: 
Peak listeners: 

PP e AER forzan a creación dunha comisión para investigar as obras de acceso á praia de Rande

pleno

O debate en torno a construción dunha rampla para dotar de accesibilidade a este areal de Rande puxeron de manifesto no pleno de onte non só as supostas irregularidades cometidas nesa obra, rematada hai ano e medio, senón a mala sintonía entre os que foran socios de goberno e agora están claramente enfrontados: PSOE e AER. Con todo, e malia as dúbidas en torno a legalidade de poñer en marcha unha comisión de investigación “figura que non existe no ámbito local” segundo explicou a propia secretaria municipal, a proposta saíu adiante cos votos a favor dos Populares e os edís da agrupación de electores.

Unha proposta que chegaba a pleno da man destes dous grupos políticos que conxuntamente solicitaban a creación dunha comisión de investigación sobre as obras de acceso a praia de Rande que se terían realizado “en medio de múltiples irregularidades” como seren adxudicadas sen ter as autorizacións necesarias ou comezar a realizarse cando non estaba pechado o procedemento de contratación da empresa que debería realizar os traballos.

Carmen Amoedo, PP

A este feito súmase que na data sinalada, o concelleiro de Medio Mariño justificó e asinou unha obra para a que non tiña competencias. dado que esas competencias serían da Concellería de Medio Ambiente “a quen se lle ocultou esa contratación”. Precisamente neste feito centraba as súas críticas o edil de AER e ex concelleiro de medio ambiente, Roberto Villar.

Roberto Villar, AER

Na súa intervención salientaba a socialista María Castro que a obra en cuestión databa de maio de 2020 “polo que non entendemos que o edil de AER se lembre agora de que quen asinou a obra non era quen tiña competencia”. Entende a concelleira que a Agrupación de Electores busca este tipo de polémica dentro da “política de revancha” que están a desenvovler e demostran que “non estabas capacitados para gobernar”.

María Castro, PSOE

Os nacionalistas amosaban a súa sorpresa porque fora o PP quen denunciara estas supostas irregularidades “cando foi o seu goberno o que cometeu auténticas barbaridades na praia de Cesantes con muros e valados moi prexudiciais para ese areal” e rexeitaban unha comisión de investigación “que non existe no regulamento municipal”. Pedían que a propostas se retirara “para darlle seriedade ao que se debate nos plenos e que nos ocupemos de propostas que servan para mellorar a vida dos cidadáns e non por unha obra de está feita dende hai ano e medio”.

Xoán Carlos González, BNG

PP e AER fixeron valer a súa maioría ante un goberno local en minoría e sacaron adiante a proposta de poñer en marcha unha comisión sen competencias, xa que se trataría dun órgano consultivo e sen efectos resolutivos. O BNG deixou claro que non estarán presentes en dita comisión.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *