Hoxe é Martes 7 de Decembro de 2021
Stations
NOTHING FOUND!
Current listeners: 
Peak listeners: 

O Concello informará e asesorará aos veciños sobre a instalación de pantallas acústicas en Chapela

pantallas 2

A publicación no BOE do proxecto de Fomento para a instalación de pantallas acústicas na AP-9 entre o Morrazo e Teis deixa moitas dúbidas en canto ao lugar no que van ir colocados estes elementos, un total de 14 pantallas de metacrilato cun investimento superior ao 7 millóns de euros. Para resolver estas dúbidas e presentar as alegacións que sexan pertinente o concello encargará a técnicos urbanísticos que analicen a información, que está xa a información pública nos concellos de Redondela e Vilaboa.   

María Castro, edil de Urbanismo

A edil de urbanismo, María Castro, explica que logo de chegar o proxecto ao Concello o pasado mércores agora ábrese a fase de exposición pública para que veciños, asociacións ou mesmo o propio concello presente as alegacións que consideren necesarias. Con todo, ao tratarse dun documento de preto de mil páxinas e moitos contidos técnicos, dende a administración local deixan en mans dos técnicos urbanísticos a súa análise para posteriormente convocar aos veciños aos que xa se lles informou da súa publicación.

O documento precisa dunha “revisión minuciosa para aclarar exactamente onde se van colocar as pantallas, cales son as súas característica e se eses elementos van solucionar o problema de ruídos que padecen os residentes en inmobles próximos a autoestrada” explica Castro.

No departamento de Urbanismo están pendentes tamén da publicación definitiva das obras de reposición de viais, que confían chegue en breve para “que canto antes se aprobe o proxecto e que comecen as obras no primeiro semestre do vindeiro ano”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *