Hoxe é Mércores 1 de Decembro de 2021
Stations
NOTHING FOUND!
Current listeners: 
Peak listeners: 

Augas de Galicia expediente ao Concello de Pazos por vertidos de augas residuais ao Alvedosa

vertido

Augas de Galicia abriulle un procedemento sancionador ao Concello de Pazos de Borbén por diversos incumprimentos en materia de vertidos. O Concello enfróntase a unha sanción de ata 5.000 €. Alternativa Veciñal por Pazos asegura que ante o deterioro e mal funcionamento que presentan as estacións depuradoras do municipio non se descarta que poida haber máis expedientes e máis sancións.

O pasado mes de xullo o ente autonómico Augas de Galicia comunicoulle ao Concello de Pazos de Borbén o inicio dun expediente sancionador por varios incumprimentos da autorización en materia de vertidos. Concretamente, pola falta de funcionamento do tratamento de desinfección; falta de realización e remisión de autocontrois e, o máis grave, polos vertidos de augas residuais ao rio Alvedosa procedentes da estación depuradora da parroquia de Amoedo. O expediente podería implicar unha sanción de ata 5.000€

Alternativa Veciñal de Pazos, asegura que este expediente “non colle por sorpresa a ninguén” atendendo a que unha visita ás distintas estacións depuradoras e de bombeo permite comprobar que os vertidos e as molestias por malos cheiros son continuos. Con esta situación, o Concello exponse a que no futuro haxa máis expedientes e máis sancións.

Por outro lado, ademais das molestias e dos vertidos contaminantes, a infraestrutura segundo denuncian dende esta formación política “está obsoleta e ten uns custos de operación e mantemento moi elevados”.

Lembran que a Agrupación de Electores xa propuxera no mes de maio un plan de melloras que incluían realizar un diagnóstico da situación e elaborar un Plan de actuacións que priorizara as necesidades máis urxentes, unha proposta foi rexeitada cos votos en contra do PP e a abstención de Ciudadanos.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *