Hoxe é Mércores 1 de Decembro de 2021
Stations
NOTHING FOUND!
Current listeners: 
Peak listeners: 

Duro enfrontamento entre Digna Rivas e Roberto Villar a conta da recollida de algas

plenoalgas

A alcaldesa comparecía onte no pleno a petición de AER para explicar o acontecido coa recollida das algas nos areais do concello. Un tema polémico que provocou a ruptura do goberno local ao retirar Digna Rivas as competencias nesta materia ao que era o edil de Medio Ambiente naquel momento Roberto Villar.

Un longo debate que deixou poucas novidades, agás o anuncio por parte da alcaldesa de que a Xunta procedeu a arquivar a denuncia presentada por AER ante a Consellería de Medio Ambiente polo suposto uso de maquinaria pesada na extracción de algas nas praias de Cesantes “unha vez se lle enviaron dende o Concello os informes que acreditan que esa retirada se está a facer de xeito manual”.

Con todo, o debate principal xirou en torno as diferentes formas de actuar neste asunto por parte dos que foran socios de goberno. Dende AER afirmábase que en todo momento o que se fixo foi aplicar a normativa europea que establece que nun habitat de especial protección como é a praia de Cesantes “a recollida ten que ser parcial nas épocas de verán e non se pode facer durante o resto do ano”. Insistía en que os cambios nesa recollida “non foron un capricho deste concelleiro, foi a necesidade de cumprir unha normativa que non se estaba a aplicar”.

Discrepaba a alcaldesa ata o punto de acusar a Villar de actuar só en base a intereses persoais “o que provocou malestar na cidadanía e incluso impediu que os usuarios dos areais mantivesen a distancia obrigada pola pandemia no verán do 2020”. Reiteraba unha vez máis que “nunca se empregou maquinaria pesada para recoller as algas, que sempre se fixo de xeito manual e que só se usou un tractor para o seu traslado aos contenedores de Urbaser”. A diferenza insistía a alcaldesa “é que agora se recollen todas as algas e non se fai unha recollida parcial”.

Engadía Rivas que malia que a retirada de competencias a AER supuxo a ruptura do pacto de goberno “volvería tomar a mesma decisión, porque as praias hai que telas en condicións para o disfrute da veciñanza, algo que é compatible co respecto ao medio ambiente”.

Pechaba a súa intervención o edil de AER abrindo unha vez máis a porta a unha moción de censura e instando ao PP que “se tanto miran por Redondela nós estamos dispostos a escoitar calquera proposta”.

Unha comparecencia que se prolongaba durante máis de hora e media e que impedía que se debateran o resto das mocións previstas, entre elas unha solicitada pola Plataforma de afectados pola AP-9 que reclamaban a convocatoria urxente da comisión de seguimento para abordar a reposición de viais ou a instalación de pantallas acústicas na parroquia de Chapela.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *