Hoxe é Venres 22 de Outubro de 2021
History
Stations
NOTHING FOUND!

Redondela arranca a semana con 237 casos de Covid e no nivel alto de restricións

Covid

Redondela seguirá polo de agora no nivel alto de restricións ao non lograr baixar unha incidencia acumulada que supera os 500 casos por cada 100.000 habitantes. A día de hoxe e segundo a última actualización do Sergas o número de positivos diagnosticados no municipio nos últimos 14 días ascenden a 237. Isto supón que nos locais de hostalaría mantense o aforo do 50% nas terrazas e dun 30% no interior. O concello de Soutomaior mantense tamén no nivel alto (34 positivos), mentres Pazos de Borbén (21 diagnosticados) se sitúa no nivel medio e Fornelos de Montes no máis baixo. A cidade de Vigo segue tamén no nivel alto de restricións.

Punto de activación de Chave365 e obtención certificado de vacinación
O Concello de Redondela, en colaboración co Sergas, vén de habilitar un punto de obtención do certificado de vacinación COVID-19 e activación da Chave365, unha identificación persoal e segura que permite o acceso ao servizo É-Saúde.
Trátase dunha páxina de interacción directa entre as persoas usuarias e o Sergas, a través da que se poden realizar, de xeito seguro –de aí a necesidade de posuír as claves de Chave365– diversos trámites relacionados coa saúde como petición de citas ou seguimento das xa solicitadas, consulta de historiais ou medicación activa entre outros moitos.
A oficina, que estará operativa ata o 31 de agosto, está instalada no multiúsos da Xunqueira en horario, de luns a venres, de 8 h a 14:30 horas. Para máis información as persoas interesadas poden dirixirse ao teléfono 986 40 28 65

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *