Hoxe é Sábado 4 de Decembro de 2021
Stations
NOTHING FOUND!
Current listeners: 
Peak listeners: 

O aparcadoiro da Xunqueira elimina o persoal en horario nocturno

Xunqueira

O aparcadoiro público da Xunqueira, situado no centro da vila de Redondela, elimina o persoal encargado da supervisión e control das instalacións na quenda de noite. Isto implica que entre as 23:00 e as 07:00 horas a supervisión será realizada por unha empresa de seguridade por medio de videocámaras. Un cambio no funcionamento do aparcadoiro que é seguido con “preocupación” dende o BNG de Redondela. O voceiro nacionalista, Xoán Carlos González, advirte que ante calquera continxencia “os usuarios do aparcadoiro unicamente poderán empregar un comunicador, co que claramente se deteriora a atención e o servizo que se debe prestar”. González lembra que se trata dunha concesión privatizada, un aparcadoiro de carácter público, polo que entende que existe “unha responsabilidade municipal”. O aparcadoiro, con capacidade para uns 400 vehículos, ten cuberto ao redor do 60% das prazas por veciños aboados en diversas modalidades. O edil do BNG sinala que a crise da Covid-19 “non pode ser o xustificante para esta redución de atención e de, como mínimo, un posto de traballo”. A concesión, realizada en 1994, recolle que se trata dun aparcadoiro de carácter público e que o Concello “reserva a potestade de realizar todo tipo de trámites administrativos ante calquera modificación do mesmo”, sinala González, quen apunta que agora estanse cambiando as condicións “pois a atención durante as noites modifícase substancialmente”. González empraza aos usuarios a presentaren reclamacións por escrito no rexistro do Concello, para reverter esta situación.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *