Hoxe é Domingo 25 de Outubro de 2020

Alfombra floral, acto institucional e música de Guadi Galego para celebrar o día de Galicia

RR_Noticias

Un tapiz floral decorou durante a fin de semana a praza do Concello para conmemorar o 25 de xullo cunha tradición tan nosa como son as alfombras florais. Unhas celebracións que incluíron o tradicional acto institucional na Alameda Castelao e o concerto de Guadi Galego, quen ofreceu  a súa música nun Campo da Feira no que o público permaneceu nas súas cadeiras para respectar as medidas de seguridade impostas pola Covid-19.

Os actos en torno ao Día de Galicia centráronse na tarde noite do propio 25 de xullo, malia que na xornada anterior un grupo de alfombristas traballaron arreo para decorar a praza do Concello cun tapiz no que se podía ver o mapa de Galicia co escudo de Redondela.
No propio día os nenos tomaron a palabra para lembrar o centenario da Xeneración Nós e houbo tamén intervención no acto institucional celebrado na Alameda de Castelao, da alcaldesa Digna Rivas e o edil de Cultura Daniel Boullosa.
Unha xornada que rematou cun dos principais actos culturais da programación de verán. o concerto de Guadi Galego no Campo da Feira.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *