Hoxe é Venres 27 de Novembro de 2020

Campamento de verán nas parroquias e urbano en Redondela para favorecer a conciliación

RR_Noticias

O concello de Redondela manterá aberto ata o martes día 28 o prazo de inscrición en ambas as dúas actividades que se van desenvolver durante todo o mes de agosto e que, no caso do campamento de conciliación de verán, prolongarase ata o 4 se setembro. A documentación pode descargarse da páxina web de concello e debe entregarse no rexistro municipal.

O campamento de conciliación oferta un total de 225 prazos e está orientado a nenos e nenas de entre 3 e 12 anos de idade. O servizo prestarase en horario de mañá de 9:00 a 14:00 horas dende o 3 de agosto e ata o 4 de setembro. Os campamentos desenvolveranse nas parroquias de Cabeiro, Cedeira, Cesantes, Chapela, Negros, O Viso, Reboreda, Saxamonde, Ventosela e Vilar.
Pola súa banda os usuarios do centro de Redondela terán a posibilidade de solicitar praza nos campamentos urbanos que se levarán a cabo nas semanas de agosto. Neste caso a actividade desenvolverase nas instalacións do instituto Mendiño e ofértanse un total de 30 prazas pro semana. A distribución de participantes entre quendas realizarase atendendo ás preferencias marcadas na solicitude.
En ambos os dous casos, as persoas interesadas deberán presentar ademais da ficha e inscrición e copia do libro de familia, a última nómina e documentación que acredite se realizan o seu traballo de xeito presencial ou telemático.
O prazo para a presentación de solicitudes será ata o 28 de xullo. As solicitudes deberán presentarse no Rexistro xeral do Concello e a documentación a presentar atópase na páxina web do concello.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *