A seca xeneralizada e as altas temperaturas teñen en alerta aos servizos de emerxencias ante posibles lumes forestais como o declarado na tarde de onte no barrio de Moreira.Dende Protección Civil de Soutomaior fan un chamamento á colaboración cidadá que, como neste caso, permite actuar canto antes evitando así que lume adquira grandes dimensións e se espalle polos montes.
Era unha veciña da zona de Moreira a que avisaba aos servizos de emerxencias deste incendio forestal nas inmediacións deste barrio de Soutomaior. Tras recibir ese aviso, mobilizouse o retén de Protección Civil, Policía Local, Garda Civil e remitiuse aviso o 112 e o 085 que enviou varios reténs de brigadas contra incendios así como dous camións motobomba. A rápida intervención dos medios de extinción foi esencia para coller o lume a tempo o que permitiu que quedara controlado en menos dunha hora.
Dende Protección Civil de Soutomaior fan un chamamento á colaboración cidadá que, como neste caso, permite actuar canto antes evitando así que lume adquira grandes dimensións e se espalle polos montes. Lembran que ante calquera incidencia débese chamar ao 112 ou 085, e insisten en que nos atopamos nunha situacións especialmente sensible pola falta de chuvias e o episodio de altas temperaturas que está a acompañarnos dende o inicio de mes.
