Hoxe é Sábado 31 de Outubro de 2020

O comercio de Soutomaior súmase á venda online para afrontar a crise da COVID-19

RR_Noticias

Dezaoito comercios de Soutomaior están xa a vender os seus produtos a través da plataforma dixital www.comprarengalicia.es. Produtos de alimentación, papelería, fogar, hixiene, deporte, roupa ou tecnoloxía, que se poden adquirir comodamente dende a casa e coa posibilidade de recollelos nos establecementos ou recibilos a domicilio. Unha iniciativa, na que o concello paga o 90% dos gastos da plataforma, co fin de apoiar ao comercio de proximidade nun momento de crise por mor da pandemia.

O comercio local está a ser un dos sectores económicos máis afectados polo coronavirus. Logo de máis de dous meses de peche, agora comezan a abrir as súas portas con restricións no acceso e a necesidade de pór en marcha estritas medias de prevención e hixiene, o que fixo que a reapertura para as tendas fose aínda máis costa arriba do agardado. Para animar á cidadanía a comprar e apoiar o comercio de proximidade, nacía a plataforma dixital www.comprarengalicia.es/arcade, á que se sumaron preto dunha vintena de establecementos de Soutomaior e que permite mercar produtos online dun xeito seguro, a un só click e cunha ampla oferta que vai dende a alimentación, informática, roupa, fogar ata a hixiene ou papelería, entre outros. A plataforma permite recoller a compra no propio establecemento ou no domicilio nun prazo de 12 a 24 horas, en función da demanda e a localización da entrega.
Para incentivar que máis comercios se sumen aos dezaoito que xa se adheriron a esta iniciativa, o concello de Soutomaior subvenciona o 90% dos gastos da plataforma, ao que destinará unha partida de 7.000 euros ao ano.
O alcalde de Soutomaior, Agustín Reguera, animou aos veciños a facer uso desta nova ferramenta “coa que podemos apoiar aos nosos veciños comprando produtos locais”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *