O home, que foi detido a media tarde de hoxe tras protagonizar unha persecución por mar, está acusado dun presunto delito de ameazas graves con arma branca. A detención produciuse nun dispositivo conxunto da Policía Local e Nacional.
A Policía Local informa dun suceso que tiña lugar esta tarde e que se saldou coa detención dun veciño de Redondela. Os feitos producíanse nas inmediacións do peirao de Cesantes cando, por causas que se investigan, o detido intentaba acoitelar a outro no marco dunha pelexa. A vítima lograba evitar o acoitelamento axudado por outras persoas que se atopaban no lugar. Tras estes feitos o agresor emprendeu unha fuxida por mar nunha embarcación, sendo finalmente interceptado polos axentes da policía local e nacional quen realizaron unha persecución por mar. O detido está acusado dun delito de ameazas graves con arma branca.
