A crise sanitaria do coronavirus deixou ás prazas case sen clientes nas primeiras semanas de confinamento, o que levou aos vendedores a poñer en marcha a venta telefónica e a entrega a domicilio dos seus produtos. Unha iniciativa que está a ter moi boa acollida entre os clientes, que reciben na súa casa froita, verdura, carne e peixe frescos e de calidade.
Marga Castro, unha das vendedoras de peixe e marisco no Mercado Municipal de Redondela, explica que a iniciativa xurdiu dos propios praceiros. Deste xeito evitan que os usuarios das prazas, maioritariamente persoas maiores, corran riscos. Poden facer o pedido de froita, verduras peixe ou carne a través do teléfono. Os propios praceiros encárganse de organizar os pedidos para que nunha única viaxe o cliente reciba todos os produtos. Nas primeiras semanas do confinamento o medo dos clientes a saír da casa por mor do COVID-19 fixo que as prazas case non tiveran clientes, polo que moitos “mesmo pensaron os pechar o posto”. Entre os vendedores non existe medo ao contaxio, xa que traballan “con todas as medidas de seguridade”, pero a escasez de vendas durante as primeiras semanas do confinamento foi unha situación moi dura para estes pequenos negocios. A iniciativa da vanta telefónica con reparto a domicilio supuxo un alivio para os praceiros, xa que está a ter moi boa acollida entre os clientes habituais, sobre todo as persoas maiores. Tamén están a recibir chamadas de novos clientes que se interesan por este servizo de reparto a domicilio, grazas ao que poden recibir comodamente na casa produtos frescos e de calidade.
A iniciativa xurdiu dos propios praceiros. Deste xeito evitan que os usuarios das prazas maioritariamente persoas maiores corran riscos.
A iniciativa está a ter moi boa acollida entre os clientes. Reciben na súa casa froita verdura carne e peixe frescos e de calidade.
Nas primeiras semanas do confinamento o medo dos clientes a saír da casa por mor do COVID-19 fixo que as prazas case non tiveran clientes.
