Hoxe é Venres 30 de Outubro de 2020

Un álbum de lembranzas recollerá os debuxos, imaxes e escritos dos redondeláns en corentena

RR_Noticias

A Concellaría de Participación cidadá convida a veciñanza de Redondela a crear entre todos un álbum cheo de debuxos, fotografías, escritos ou calquera outro material creado nesta etapa de confinamento e que poida ser subido á páxina web do concello. Animan a enviar este material ao enderezo quefacerenredondela@redondela.gal co obxecto de que quede almacenado para poder ser revisado, nun futuro, cando a batalla contra o COVID forme parte do noso pasado.

As persoas que estean interesadas en participar, de calquera idade, deben enviar o seu debuxo, fotografía, escrito.. xunto co nome do autor á dirección de mail quefacerenredondela@redondela.gal
Todas as creacións subiranse, co nome das persoas propietarias, á páxina web do Concello de Redondela. Crearase deste xeito un álbum con toda esa información que xirará ao redor dun mesmo tema: o tempo que estivemos a facer o esforzo de cambiar as nosas rutinas e quedar na casa para vencer unha pandemia sanitaria.
A Concellaría de Participación cidadá pretende mediante esta iniciativa animar á veciñanza a realizar traballos artísticos cos que encher positivamente o seu tempo de confinamento, de creatividade, centrarse na idea de que este período de corentena, aínda que duro, é temporal, visualizar o sentido global e social que ten este esforzo e deixar unha pegada construída entre todos.
A partir de aí teremos a opción de visualizar, sempre que queiramos, este álbum de recordos de Redondela.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *